Owwal başda, kadyr Alla,

Senden bir kerem islärin,

Badam galmak, alma ýaňak,

Bir zyba senem islärin.

–

Taňry bermese, nädeli

Baş alyp, kaýda gideli,

Oturşy-turşy edaly,

Gaşlary galam islärin.

–

Özüne hormat getiren,

Ärniň hyzmatyn bitiren,

Gaşyny çytman oturan —

Maňnaýy gülen islärin.

–

Ýigrimi ýaş ötdi menden,

Hezl etmedim, dünýä, senden,

Tili süýji lebi handan

Bir goýna salan islärin.

–

Pyragy, geldim jahana,

Bir ýar bergil akly dana,

Duşdum üm, bilmez nadana,

Bir gadrym bilen islärin.

       

Оввал башда, кадыр Алла,

Сенден бир керем исләрин,

Бадам габак, алма яңак,

Бир зыба сенем исләрин.

–  

Таңры бермесе, нәдели,

Баш алып, кайда гидели,

Отуршы-туршы эдалы,

Гашлары галам исләрин.

 –

Өзүне хормат гетирен,

Әрниң хызматын битирен,

Гашыны чытман отуран —

Маңлайы гүлен исләрин.

 –

Йигрими яш өтди менден,

Хезл этмедим, дүнйә, сенден,

Тили сүйҗи леби хандан,

Бир гойна салан исләрин.

 –

Пырагы, гелдим җахана,

Бир яр бергил аклы дана,

Душдум үм билмез надана,

Бир гадрым билен исләрин.